हा पावसाळा मला जड जाणार ,.....

(माझ्या मित्राने केलेली एक छानशी कविता आपणासाठी इथे वाचण्यास ठेवत आहे …पावसाळा आणि मैत्रीण यांचे नाते जोडण्याच्या त्याने केलेला प्रयत्न हा अतिशय छान पद्धतीने या कवितेतून मांडला आहे .....)


हा पावसाळा मला जड जाणार ,.....

पावसाची पहिली सर येणार
जमिनी वरची माती भिजणार
आणि मस्तपैकी हवेत गंध पसरणार

मग काय?

तिच्या ओल्या केसांतून येणाऱ्या सुगंधाची आठवण येणार

हातांची बोट तिच्या केसांतून फिरण्यासाठी शिवशिवणार

पण मग ती नाही याची जाणीव झाल्यावर

तीच बोट स्वतःच्या केसातून फिरवून एक दीर्घ श्वास घेणार

आणि

शांत बसणार

तुम्हाला सांगतो हा पावसाळा मला नक्कीच जड जाणार

धो धो पाऊस पडणार

तिच्या बरोबर पावसात भिजायची खूप इच्छा होणार

मग काय ?

पावसात जाऊन एकटाच भिजत राहणार

पण मन मात्र  तिच्यासाठीच हुरहुरणार

तुम्हा सांगतो हा पावसाळा मला नक्कीच जड जाणार …।

लेखक/ कवी -वैभव रवींद्र पाटील मो. नं :-+91 87965 45437

(टीप :- या कवितेतील चित्र हे इंटरनेट वरून घेतले आहे )

below attached hard copy of this poem